Доколку одиш на новогодишна забава или пак организираш свечена вечера, имаш доволно причини да заблескаш во овој период од годината и да го покажеш својот стил. Празничниот накит е совршен моден додаток за блескавост во текот на оваа сезона. Кога станува збор за модни детали, не постојат граници. Од впечатливи златни ѓердани и обетки, до светкави сребрени белегзии и посебни новогодишни приврзоци, имаме накит за секој стил, комбинација и пригода. Пронајди инспирација за празничен накит која ти е потребна, како и дополнителни совети за комбинирање различни стилови.
Златни можности
Златниот накит е префинет и безвременски. Нашите парчиња со 14к позлата ќе го зголемат ефектот на секоја вечерна комбинација. Бојата на златото е неверојатно прилагодлива, што ти овозможува да избереш комбинации во светли и смели бои и дезени.
За забавна комбинација која со сигурност ќе привлекува погледи, одбери вечерен фустан во твојата омилена боја и комбинирај го со деликатен новогодишен ѓердан со 14к позлата, дополнувајќи го со златни обетки во облик на солза. Доколку празниците ги поминуваш во лежерен стил, златната блескава, тврда белегзија ќе можеш одлично да ја комбинирап со фармерки и дуксер.
Заблескај во сребро
Елегантен, модерен и совршен за секоја пригода, нашиот сребрен накит и дава нота на елеганција на секоја комбинација. Среброто одлично се комбинира со мноштво од бои, но ако бараш прекрасен контраст, одбери комбинација во црна или темносина боја за да твојот сребрен накит дојде до израз.
За комбинација која ќе привлекува погледи на празничната забава, одбери долг, темносин фустан во пар со светкави празнични обетки и сребрен ѓердан или пак облечи неформален, дневен фустан за посуптилен изглед.
Слави со празнични приврзоци
Земи ги нештата во свои раце и пронајди совршен накит за новогодишните празници оваа година. Парчињата од нашата богата колекција на празнични приврзоци може да се бираат самостојно или пак во комбинација со совршена новогодишна белегзија за приврзоци.
Белегзиите за приврзоци се впечатлив додаток на секоја празнична комбинација, а бирајќи од повеќе од 400 приврзоци, твојата белегзија ќе раскаже прекрасна приказна за тебе. Имаме празнични приврзоци во најразлични стилови и бои. Од магични, сребрени снегулки, до весел Снешко. Многу од нив се рачно доработени и украсени со блескави камчиња за дополнителен сјај. Сите погледи ќе бидат насочени кон твојот накит, па затоа носи ја твојата белегзија со фустан без ракави и покажи ја на најдобар начин.
